Büromuz xarici investorlara tam logistik dəstək göstərir: şirkətin təsis edilməsindən başlayaraq, onun fəaliyyətinin Sloveniya qanunları çərçivəsində aparılması və hüquqi fəaliyyətin dayandırılmasınadək. Biz işgüzar münasibətlərə daxil olarkən selektiv yanaşmadan istifadə edirik: investorun biznes ideyası, vəkil bürosunun peşəkar və kadr potensialı, eləcə də investorla birlikdə qarşıya qoyulan hədəflərin uğurlu icrasına dair müsbət proqnozun olub-olmaması nəzərə alınır. Bizim şirkətdə Skype və video konfrans daxil olmaqla internet rabitənin bütün növlərindən istifadə olunur.

Biz Sloveniyanın və Xorvatiyanın (Adriatik dənizinin sahilində) daşınmaz əmlak bazarında baş verən bütün hadisələri diqqətlə monitorinq edirik. Yerli xüsusiyyətlərə yaxşı bələd olduğumuz üçün, eləcə də yüksək səviyyədə əməkdaşlıq əlaqələrinə malik olduğumuz üçün biz, əmlakı almağınızdan və ya satmağınızdan asılı olmayaraq, bütün mərhələlərdə (təhlil, qərar, sazişin bağlanması) sizin daşınmaz əmlakla bağlı işlərinizin qayğısına qalacağıq. Bizim müştərilərimiz əmlakı onlayn rejimdə almaq imkanına malikdirlər. Müştərilərimizdən belə bir sorğu gəldikdə, biz əmlakın foto və video materiallarını həmin mülkün yerləşdiyi yerdən birbaşa canlı yayımla təqdim edirik.

Bizim büromuz əsas diqqəti müştərilərin vergilərinin optimallaşdırılmasına yönəldir. Optimallaşdırma dedikdə, qanuni yollarla əlavə vergiqoymanın qarşısının alınması nəzərdə tutulur. Əlavə vergiqoymanın qarşısının alınması həmçinin kiçik vergilərin tətbiq olunduğu zonaları və ofşor şirkətlərin təsis edilməsini nəzərdə tutur. Əldə etməyi planlaşdırdığınız gəliri və keçmiş vergi öhdəliklərinizi təhlil edərək biz sizə ən optimal vergi strukturu və ticarət subyektinin hüquqi statusu barədə öz məsləhətlərimizi veririk. Mütəxəssislərimizin Sloveniyanın absorbsiya (şirkətlərin bir-birini udması) qanunvericiliyi sahəsində peşəkar biliklərə malik olması bizə imkan verir ki, müştərilərimizin, eləcə də podratçıların bütün ehtiyaclarını və hədəflərini qarşılaya bilək.

90-cı illərdə vəkil Yoje Unverdorben (oğul) “Rogaška ZHT d.d.” səhmdar cəmiyyətinin idarə heyətinin üzvü olub. Bu şirkətdə o kadr və hüquqi məsələlərə görə cavabdeh olub. Sloveniyanın ilk səhmdar cəmiyyətlərindən biri öz fəaliyyətini “Zdravilišče Rogaška Slatina” SC holdinq şirkəti çərçivəsində aparıb. Qeyd olunan müddətdə vəkil Yoje Unverdorben (oğul) otellərin idarə olunması və icarəsi sahəsindəki münasibətlərlə yaxından tanış olur. Yoje Unverdorben’in (oğul) zəngin təcrübəsindən faydalanaraq ondan turizm sahəsi üzrə peşəkar hüquqi məsləhətlər ala bilərsiniz. Son bir neçə ildə bizim vəkil büromuz turizm sahəsində müasir metodların işlənib hazırlanması ilə məşğuldur. Bizim mütəxəssislərimiz “taym-şer” (timeshare, əmlakın müştərək icarəsi) sahəsində Avropa qanunvericiliyinin tələblərini rəhbər tutur. Büromuz turizm sahəsində tanınmış və nüfuzlu mütəxəssis, fəlsəfə doktoru, MBA, Milan Zaqoda ilə əməkdaşlıq edir. Milan Zaqoda eyni zamanda “Fontus” turizm agentliyinin sahibidir. “Taym-şer” və “fraksional (pay)” sahiblik kimi turizm industriyasının müasir formaları altında birləşmə Sloveniyanın turizm sahəsinin tender iştirakçıları üçün geniş fürsətlər açır. Bu, xüsusən də böhranlı dövrlərdə, turistik təklifi artırmaq üçün tələb olunan investisiyaların maliyyə mənbələrini təmin etməyə imkan verir.